Зеленски за изјавата на Бајден: Нема помали напади, исто како што нема помали жртви

1 min read

Украинскиот претседател Володимир Зеленски одговори на коментарите на американскиот колега Џо Бајден за руската „мала инвазија” на неговата земја.

Бајден рече дека „помал” напад може да доведе до послаб одговор од САД и нивните сојузници.

Како одговор, Зеленски на Твитер напиша: „Нема помали напади. Исто како што нема помали жртви и мала тага поради загубата на најблиските”.

Русија има околу 100.000 војници во близина на границата, но негира дека планира инвазија.

Рускиот претседател Владимир Путин упати голем број барања до Западот, настојувајќи Украина никогаш да не се приклучи кон НАТО и Алијансата да се откаже од воена активност во Источна Европа.

Во средата, претседателот Бајден на прес-конференција рече дека Путин ќе плати „сериозна и скапа цена” за инвазија на Украина, посочувајќи дека ќе зависи од начинот како Русија ќе го направи тоа.

www.slobodenpecat.mk

Претходно

Виц на денот: Час

Следно

ВИДЕО | Мангутова – Стоилковска: Во С Македонија се точат квалитетни горива

Latest from Blog

MacedonianEnglishAlbanian