Христовски го затекнал ЈП „Градски паркинг“ со долг од 33 милиони денари кон Град Скопје

2 mins read

На денешната седница на Советот на Град Скопје, вршителот на должноста директор на ЈП „Градски паркинг“, Бојан Христовски, ја образложи потребата од доделување субвенции на ова јавно претпријатие за надминување на потешкотиите во работењето.

– Станува збор за редовна пракса за давање субвенции за потешкотиите во работењето на „Градски паркинг“. Ова е досега најмал износ на субвенции кои ги дал Град Скопје за ова јавно претпријатие. Во 2018 година се доделени 15 милиони денари субвенции, во 2019 година, исто така, се доделени 15 милиони денари, во 2020 година се доделени 7,5 милиони денари, или вкупно во овие неколку години 37,5 милиони денари субвенции. Во пракса, овие субвенции во претпријатието се искористени за плаќање комунална такса кон Град Скопје, односно од примените средства за 2018 до 2020 година се платени околу 41 милион денари за комунална такса кон Град Скопје. Јас увидов дека претпријатието има повеќе проблеми, индиции за несовесно и незаконско работење. Има индиции за недостиг на средства – ненаплаќање на паркинг услугите од поединци со што претпријатието веруваме дека има губено големи средства, поради што во идниот период ќе работиме на детектирање и докажување на тие потенцијални неправилности, рече Христовски, од говорницата.
Тој изрази надеж дека во наредните години ова јавно претпријатие ќе нема потреба од субвенции. 

-Би додал и дека претпријатието го начекувам со вкупен долг кон Град Скопје за неплатена комунална такса од околу 33 милиони денари, такса којашто се собирала во изминативе неколку години. Претпријатието е со сегашна состојба од околу 26,5 милиони денари, но сепак, долгот кон Град Скопје е 33 милиони денари, појасни Христовски.

Извор: skopjeinfo.mk

Претходно

ФОТО | Многу фотошоп: Вака реално изгледаат „совршените“ стомачни мускули на Џеј Ло кога ќе ја уловат неподготвена!

Следно

Нов ковид-рекорд во Шведска: Речиси 40 000 новозаразени за еден ден

Latest from Blog

MacedonianEnglishAlbanian