Жителите на Гази Баба се пожалија на водоводната мрежа и сообраќајната инфраструктура, на потег се надлежните

1 min read

Тимови на град Скопје започнаа средби со граѓани на терен со цел проценка на состојбата со заборавените населби.

Градоначалничката на Град Скопје, Данела Арсовска, ги отпочна средбите со месните и урбаните заедници од Општина Гази Баба минатиот месец, каде сите претставници имаа можност детално да ги образложат предизвиците со кои се соочуваат жителите на оваа општина.  

Вчера еден од тимовите во Општина Гази Баба на терен разговараше со граѓаните и презема дел од податоците неопходни за теренската проценка. По завршување на теренската работа, се преземаат активности за креирање на листа на проекти неопходни за надминување на предизвиците со кои се соочени граѓаните, со акциски план за спроведување на истите. Најголемиот број на жители во оваа општина истакнаа предизвици со водоводната мрежа, инфраструктура на улиците, потребата од тротоари за безбедно движење како и соодветна светлосна сигнализацијa.

Инаку, тимови од градот составени од претставници кои секторски ќе одговараат на барањата на граѓаните и претставници од јавните претпријатија во надлежност на градот, отпочнаа со проценка на состојбата со заборавените населби во градот и изготвување на акциски план за спроведување на проекти за овие населби. Тимовите кои делуваат со цел брзо и ефикасно решавање на предизвиците со кои се соочуваат граѓаните, отпочнаа со теренски активности за процена на состојбата со заборавените населби, преку средби со граѓани, претставници од месните и урбани заедници во општините во градот Скопје. 

 

Извор: skopjeinfo.mk

Претходно

Нос или грло: Кој е најдобар начин за користење на домашен тест за ковид?

Следно

Русија и Белорусија со воена вежба во услови на зголемени тензии во Украина

Latest from Blog

MacedonianEnglishAlbanian