ВИДЕО | Стојмановски: Ѓоковиќ има балкански табиет, да не беше така немаше да биде тенисер број еден

2 mins read

Сагата со невакцинираниот Новак Ѓоковиќ конечно заврши, тој вчера беше протеран од Австралија по цела низа перипетии кои во втор план го ставија спортот, а во преден план излезе политиката.

-Сите се губитници од овие перипетии со Ѓоковиќ, гледачите нема да уживаат во неговата игра. Спортот одамна не е само спорт. Ѓоковиќ намерно не се враќа директно во Србија каде Вучиќ го чека и ќе го искористи за политички потреби. Впрочем, истото го направи и австралискиот премиер Скот Морисон. Според австралиските закони, по депортацијата Ѓоковиќ нема да смее да влезе во Австралија во следните три години. Но, ќе учествува на Ролан Гарос во Париз каде што Франција веќе рече дека нема проблем со невакцинирани играчи, вели Милорад Стојмановски од „Слободен печат“ за Утрински брифинг.

Самиот Ѓоковиќ на заминување од Австралија се извини што тој беше во центарот на вниманието и замоли тоа да се насочи кон тенисот, кон спортот.

-Неговото несоодветно однесување кога бил позитивен наиде на осуда ширум светот. Што се однесува до Австралија, тој дојде таму затоа што беше поканет за потоа да биде прогласен за општа опасност. Во принцип не требаше да се случат некои рабти кои не се поврзани со спортот. Но, сите земји си имаат свои здравствени протоколи и тие мора да се почитуваат. Ќе видиме како ќе се развиваат работите со пандемијата. Сѐ на сѐ паднаа многу тешки зборови. Но, тој е таков, Балканец е и да не беше таков веројатно немаше да биде број еден тенисер, вели Стојмановски.

Проблеми со ковид има и македонската ракометна репрезентација, а селекторот и играч има проблем со повреда. Репрезентацијата не ги задоволи очекувањата на публиката, а од денешниот меч со Данска не може да се очекува ништо освен нашата репрезентација да се прости од првенството, вели Милорад Стојмановски од „Слободен печат“ за Утрински брифинг.

Проследете го целиот разговор во видеото

www.slobodenpecat.mk

Претходно

Се отстранува депонијата кај железничкиот мост на Вардар во Гази Баба

Следно

Петков за МИА: Имаме предуслови за големо добрососедство, политичарите да си ја завршат работата

Latest from Blog

MacedonianEnglishAlbanian