ВИДЕО | Божиновска: Најновиот напад на ХЕРА ја покажува неказнивоста на говорот на омраза

2 mins read

Возрасно машко лице влегло во младинскиот центар „Сакам да знам“ – Водно на асоцијацијата ХЕРА за да се информира за достапните услуги, наводно заинтересиран заради здравјето на неговите деца. Додека вработената му ги објаснувала различните видови на тестирања за сексуално преносливи инфекции, тој почнал да ѝ упатува навреди и да се заканува дека ќе ја запали и неа и Центарот доколку викне полиција. По овој најнов напад што се слчил на 13 јануари, од ХЕРА велат дека од говор на омраза и лажни информации на социјалните мрежи се преминува кон физички закани по животот.

„Овој е посериозен од низата напади и ние не сме изненадени имајќи ги предвид реториката и нападаите кои што се одвиваат на интернет просторото кон нашата организација во изминатата година, особено заради нашите залагања за воведување на сеопфатното сексуално образование во рамките на училиштата. Тоа не е реторика која што не е насочена само кон нас туку и кон други групи и здрженија кои се залагаат за родова рамноправност се мета на напади на социјалните медиуми, со тоа што противниците на воведувањето на сексуалното образование користат разни тактики, најчесто тоа се лажни вести, извртување на информациите и многу отворено, оркестрирано и организирано на некој начин користат етикетирање и дискриминација кон одредени групи на граѓани и отворено користат говор на омраза. Изминатите три недели на ова се надоврзаа и официјални претставници на политичката партија Левица, тоа нивни советници во општините Карпош и Аеродром користат клевети и неточни информации кон граѓанскиот сектор кои можат да се проверат само со неколку кликови“, вели за Утрински брифинг, Елизабета Божиноска, програмска директорка во ХЕРА.

Таа посочува дека за да се застане на патот на ова не треба да се одржува културата на неказнивост за што има бројни примери кои што кажуваат дека говорот на омраза, дезинформациите насочени кон групи граѓани кои со години се дискриминирани – мора да биде санкциониран. „Прстот во овој случај го вперуваме во МВР и во ОЈО. Министерството за внатрешни работи треба да го истражи овој случај како кривично дело, ние, се разбира, имаме докази“, додава Божиноска.

Проследете го целиот разговор во видеото

www.slobodenpecat.mk

Претходно

Проширувањето на НАТО беше грешка ? На Русија и требаат безбедносни гаранции

Следно

ВИДЕО: Новак Ѓоковиќ пристигна во Белград, но не се појави пред медиумите

Latest from Blog

MacedonianEnglishAlbanian