7 начини на кои Ковид-19 влијае на нашиот мозок

2 mins read

Ковид-19 нашироко се смета за болест која главно ги погодува белите дробови, а ефектот што може да го има врз мозокот е помалку познат.

Но, освен што предизвикува очигледни физички симптоми, вирусот може да предизвика и невролошки. И тие траат подолго.

Лекарите се изненадени кога на почетокот на пандемијата на коронавирус, која е респираторна болест, луѓето почнуваат да се жалат на главоболки, делириум, мозочна магла и губење на мирис или вкус.

И кај посериозно болни пациенти, забележани се мозочни удари и блокирани крвни садови во мозокот, според The ​​Sun.

Еден од пет пациенти со КОВИД-19 може да страда од цереброваскуларни настани, според професорот Џејмс Гудвин.

Тој објасни за „Телеграф“ дека инфекциите го преоптоваруваат нашиот имунолошки систем, а кај некои луѓе кои имаат огромно вирусно оптоварување, тоа може да предизвика неконтролиран одговор познат како цитокинска бура, која главно влијае на белите дробови, па дури и може да доведе до смрт.

Но, не се само белите дробови погодени од преоптоварување на имунолошкиот систем – може да се оштетат и други органи, како што се срцето, црниот дроб и бубрезите. Мозокот може да биде засегнат и од обидите на телото да се бори против вирусот.

Проф. Гудвин вели дека по закрепнувањето од болеста, некои луѓе развиваат сериозни невролошки, бихејвиорални или психијатриски нарушувања поради (често привремени) лузни оставени во мозокот.

Еве и 7 невролошки настани, предизвикани од КОВИД-19:

* Главоболка
* Мозочна магла
* Делириум
* Мозочни удари
* Згрутчување на крвта
* Губење на мирис
* Халуцинации

Не мора да сте многу болни за да страдате од благи невролошки проблеми или мозочна магла додека се опоравувате од коронавирус.

Всушност, мозочната магла е доста честа појава кај луѓето заразени со помалку опасната варијанта „омикрон“. Ова е резултат на обидот на вирусот да го нападне мозокот и штетата, направена на клетките во битката помеѓу него и вашиот имунолошки систем што следи.

Сепак, истражувањата покажуваат дека клетките закрепнуваат брзо и ефикасно, како и сосема одржливо. Ова може да значи од неколку дена до неколку месеци.

ИЗВОР:  lokalno.mk

Претходно

Решена една од мистериите на Втората светска војна! Еврејски нотар ја предал Ана Франк на нацистите

Следно

Роби Вилијамс: Имав платен убиец над мојата глава

Latest from Blog

MacedonianEnglishAlbanian