Во Иран пријавени првите три смртни случаи од омикрон сојот

1 min read

Иран ги регистрираше првите три потврдени смртни случаи од сојот омикрон, соопшти денеска Министерството за здравство, пренесе ДПА.

Тројца Иранци досега починале од високо преносливиот сој на коронавирусот и на национално ниво со него има новозаразени над 1.100 лица, сооошти Министерството, пренесе ДПА, повикувајќи се иранската агенција Тасним.

-Бројот на пациенти со омикрон во земјата достигна 1.162, а по еден смртен случај од омикрон се пријавени во градовите Табриз, Јазд и Шахрекорд, додека еден тешко болен пациент е хоспитализиран во Ахваз, изјави портпаролот на министерството, Мохамад Хашеми за државната телевизија ИРИБ.

И покрај акутната економска криза, владата во Техеран, наводно, уште еднаш планира да наметне строги ограничувања на јавниот живот во обид да спречи нов бран од заразата.

Иран е тешко погоден од пандемијата, но инфекциите почнаа да се намалуваат бидејќи од минатото лето вакцините станаа подостапни за населението.

Досега, повеќе од 60 отсто од речиси 84 милиони Иранци се двојно вакцинирани, а се применуваат и засилувачките дози.

Во оваа земја од почетокот на пандемијата регистрирани се над 132.000 смртни случаи од Ковид-19 и повеќе од 6,2 милиони инфекции.

 

Извор: МИА

www.slobodenpecat.mk

Претходно

Девет казни за возење без возачка во Сингелиќ

Следно

Ѓоковиќ никогаш повеќе на „Австралија опен“? Еве ја и казната која треба да ја плати!

Latest from Blog

MacedonianEnglishAlbanian