Лавров: Снемува трпение, НАТО до следната недела да одговори на барањето за неширење кон Исток

2 mins read

Русија побара од НАТО да одговори до следната недела на нејзиното барање за гаранции за неширење кон Исток, иако Алијансата веќе ја отфрли можноста да се согласи со тоа.

Шефот на руската дипломатија, Сергеј Лавров, денеска изјави дека барањата НАТО да не се шири или распоредува оружје во Украина и другите поранешни советски републики се клучни за напредокот во преговорите за украинската криза.

Тој додаде дека Москва нема да чека бесконечно и дека до следната недела очекува писмен одговор од САД и НАТО на нејзините барања, наведувајќи дека распоредувањето војници и оружје на НАТО во близина на руската граница е безбедносен предизвик што веднаш мора да се реши.

-Ни снемува трпение. Западот, воден од ароганција, ги зголеми тензиите со кршење на своите обврски и со потезите против здравиот разум, рече Лавров.

Во екот на тензиите, што се зголемија откако Русија распореди околу 100.000 војници во близина на границата со Украина, оваа земја денеска беше погодена и од голем хакерски напад кој се урнати веб-страниците на неколку владини агенции.

Русија, која во 2014 година изверши анексија на украинскиот полуостров Крим, негира дека планира напад врз Украина, но го предупреди Западот дека проширувањето на НАТО кон другите поранешни советски земји е „црвена линија” што не смее да се помине.

САД и нивните сојузници одлучно го отфрлија барањето на Москва за безбедносни гаранции за неширењето на НАТО, но двете страни се согласија да ја остават отворена вратата за натамошни разговори за контрола на оружјето и мерки за градење доверба.

Предавство или недоразбирање старо повеќе од 30 години, е основата на јазот меѓу Русија и НАТО

www.slobodenpecat.mk

Претходно

ФОТО | Kети Пери го забрза пулсот на Инстаграм корисниците: Се фотографираше без градник!

Следно

Арсовски: Од три фактори зависи дали Ковачевски и Петков ќе имаат успех

Latest from Blog

MacedonianEnglishAlbanian