Десет дена откако го постави, Арсовска го разреши директорот на Градски паркинг

1 min read

Само десет дена откако градоначалничката на Скопје Данела Арсовска го постави Филип Пасху за в. д. директор на ЈП „Градски паркинг“, тој е разрешен од функцијата. Од денеска, в. д. директор на претпријатието е Бојан Христовски, кој досега бил вработен во Министерството за внатрешни работи.

Од кабинетот на Арсовска велат дека Пасху бил само времено решение.

„Филип Пасху беше поставен на функцијата в. д. директор како времено решение за да се запазат рокови. Тој ќе има ангажман со нова позиција во Градот. Претпријатието има нов директор, Бојан Христовски“, велат од Град Скопје.

Пасху беше назначен на функцијата на 31 декември и и тогаш во соопштението од Градот не беше наведено дека тој е времено решение, туку стоеше дека поставен е нов в. д. директор на ЈП „Градски паркинг“.

„Пасху е магистер по економија, со долгогодишно работно искуство во управување со бројни проекти на УСАИД, ДФИД, ИПА фондовите на Европската Унија. Имал искуство и од позицијата неизвршен директор на АД „Енергетика“ Скопје, бил заменик-директор на ‘Градски паркинг’, како и претседател на Управниот одбор на истото претпријатие“, стоеше во соопштението од Град Скопје од 31 декември. 

Извор и фото: СДК

Извор: skopjeinfo.mk

Претходно

Рецепт: Мрзлива пита со јаболка

Следно

Францускиот оператор за пренос на електрична енергија предупредува на зголемената потрошувачка во шест француски региони

Latest from Blog

MacedonianEnglishAlbanian