Сумирајќи го денешниот протестен ден во Софија, бугарското Министерство за внатрешни работи соопшти дека неговите претставници го одржаа јавниот ред и мир во главниот град, не дозволија посериозни нарушувања на јавниот ред и мир и го спречија влезот во зградата на Народното собрание.
Пред почетокот на протестот, полициските службеници привеле две лица, едно 32-годишно лице кај кое било пронајдено оружје на гас, и еден 53-годишник во чиј автомобил биле пронајдени муниција и пиротехнички средства.
❗️BREAKING: In the capital of Bulgaria, rallies are held against health certificates
Several thousand protesters protest against health certificates in Sofia. They demand a return to normal life and are trying to get into the parliament building.
– rian_ru pic.twitter.com/SNV2BjwxrG
— Francesco Comito (@FrancescComito) January 12, 2022
Околку Народното собрание во попладневните часови неколку пати дојде до ескалација на тензијата, а полицајците успеале да го спречат обидот за влез во зградата на Народното собрание. Во интервенцијата биле повредени девет униформирани лица, кои се пренесени во болниците на преглед и лекарска помош.
Бугарското МВР соопшти дека за да ја покажат потребата од зачувување на јавниот ред и мир, полициските службеници вклучени во безбедноста на парламентот не беа опремени со заштитни шлемови и штитови. Меѓутоа, нивната порака не беше разбрана и во раните попладневни часови дојде до судири меѓу полициските службеници и дел од демонстрантите. Полицијата упати повика до учесниците на протестот своето мислење да го искажат на мирен начин и без нарушување на јавниот ред.
ВИДЕО | Протести во Бугарија, демонстрантите сакаат да влезат во Собранието
