Костадиновска Стојчевска: Опозицијата и по фијаското во Собранието, продолжува да блокира

2 mins read

Потпретседателката на СДСМ, Бисера Костадиновска Стојчевска, во интервју за ТВ24 изрази надеж дека опозицијата ќе се откаже од намерата да ги блокира законите кои оваа Влада ги предлага, сѐ со цел „да може да се делува и работи онака како што треба да функционира државата“.

Таа наведе дека е блокиран законот за наставници, односно за трансформација на работниот однос на околу 4 000 наставници, кои треба да преминат на неопределено време, односно да се реализира заложбата на СДСМ политиката да излезе надвор од образованието.

„Блокирани се закони кои што се предложени од нашите коалициони партнери, блокиран е законот за лична карта, блокирани се закони кои што се во усогласувања со законите на ЕУ кои што не предвидуваат ништо друго освен со усогласување со европските закони“, рече Костадиновска Стојчевска.

Таа нагласи дека законите се блокирани на најразличен начин, од поднесување на многу голем број на амандмани, до злоупотреба на процедуралните забелешки кои што траат до недоглед, а од друга за оваа година и речиси шест месеци се организирани толку јавни расправи, колку што не се организирани за 11 години на ВМРО-ДПМНЕ.

„Мислевме дека по фијаското на опозицијата за ново мнозинство ќе сфатат дека пратениците, институциите и граѓаните имаат иста цел земјата да биде членка на ЕУ, да оди напред ќе престанат да блокираат, но тие повторно ги блокираа измените на законот за надворешни работи, потребни поради нашето претседавање со ОБСЕ“, рече пратеничката.

Во врска со барањата на опозицијата за изземање и оставки на раководни кадри во СДСМ, Костадиновска Стојчевска појасни дека политички функции се претседател, заменикот-претседател и потпретседателите.

„Извршниот одбор е токму тоа, извршно тело. Нивната вчерашна прес-конференција ако не се лажам, јас само ќе ја протолкувам како еден страв од новите кадри кои мандатарот Ковачевски ги претстави како дел од новото раководство, бидејќи тие и тоа како можат да придонесат со нивната стручност“, порача потпретседателката на СДСМ.

www.slobodenpecat.mk

Претходно

Британски професор негодува: Не можеме да го вакцинираме целиот свет на секои шест месеци

Следно

Некој нешто му ставил во пијалакот, убедени се другарите на Матеј: Тој не е лошо момче со лошо друштво

Latest from Blog

MacedonianEnglishAlbanian