Го прекинаа патувањето: Десетици патници на крузер во Џенова позитивни на коронавирус

1 min read

Најмалку 45 патници на крузер во Италија денеска мораа да се симнат од бродот во пристаништето Џенова бидејќи се позитивни на коронавирус, соопшти компанијата МЦС.

Според италијанските медиуми, тестовите спроведени на бродот „Грандиоса” на МСЦ, кој денеска наутро пристигна во Џенова од Марсеј, покажале дека околу 150 луѓе се позитивни.

МСЦ го негираше ова, потврдувајќи дека само 45 заразени лица се симнале во Џенова и „повеќето биле асимптоматски”.

Но, компанијата подоцна призна дека во авионот имало повеќе позитивни патници, без да го прецизира нивниот број. Тие ќе се симнат следниот пат кога бродот ќе застане.

– Според протоколот, позитивните патници и нивните најблиски веднаш беа изолирани во кабини со балкони и добија медицинска помош. Тие денеска се симнаа во Џенова за безбедно да се вратат дома на сметка на компанијата, соопшти МСЦ во врска со 45 патници кои се симнаа во Џенова.

Пристанишните власти не го прецизираа бројот на патници кои се симнале, но потврдија дека италијанските државјани се вратени дома во организација на цивилната заштита, а странците се префрлени во медицинските установи.

Крстарењето не е прекинато и бродот ќе го продолжи патувањето до следната станица во близина на Рим.

www.slobodenpecat.mk

Претходно

ВИДЕО | Штом ќе успеете ќе ве урнат: Џенет Џексон проговори за Супербоул и нејзиниот брат Мајкл во нов документарец

Следно

Репрезентативецот Ѓуроски бил повреден во тепачката во Маврово

Latest from Blog

MacedonianEnglishAlbanian