Денеска е првиот недела-неработен ден во државата

2 mins read

Денеска е првата недела оваа година од кога почнува да се применува новата законска регулатива според која недела е неработен ден. Оваа регулатива особено е видлива во трговијата, затоа што продавниците вообичаено работеа во недела. И сега има исклучоци и за трговијата, но постојат и четириесеттина дејности во кои поради природата на работата се работи во недела.

Во однос на трговијата и денес може да се работи во: специјализирани продавници или киосци за продажба на сладолед, колачи и апетисани, цвеќиња, сувенири, филигранство, весници и цигари, во туристичките места утврдени со Законот за туристичка дејност; во продавниците на бензински станици во чии рамки се врши трговија на мало претежно со храна, пијалоци и тутун; во продавници, киосци и штандови во трговските центри (молови) кои имаат минимална ефективна површина за трговија на мало од 8.000 квадратни метри; на штандови и киосци каде што се продава добра за време на спортски настани, фестивали и манифестации, саеми и за време на јавната проекција на кинематографски дела; во продавници за трговија на мало со храна (без зеленчук и овошје), пијалоци и тутун во кои трговијата се врши лично само од сопственикот на продавницата и на зелени пазари.

За работниците кај трговците на мало, ден на неделен одмор може да биде друг ден во неделата, согласно со закон. Додатокот на плата за работа во недела и на празници изнесува најмалку 100 проценти за секој час поминат на работа. Работодавците пак, се должни 2 проценти од прометот да уплатата во државниот буџет.

За останатите кои работат денеска, а кои ангажирани во дејностите кои заради техничко-технолошкиот процес не смеат да бидат прекинати, ќе добиваат најмалку 50 проценти повисока дневница за работа во недела и слободен ден кој ќе можат да го искористат во наредните седум дена.

www.slobodenpecat.mk

Претходно

Американските колеџи поради растот на инфекции со ковид се враќаат на онлајн настава

Следно

Црна Гора ги заостри мерките за влез во земјата

Latest from Blog

MacedonianEnglishAlbanian