Полицијата упадна во просториите на главниот опозициски медиум во Хонг Конг

1 min read

Повеќе од 200 припадници на полицијата во Хонг Конг денеска упаднаа во канцелариите на онлајн опозицискиот медиум Stand News и уапсија шест лица, и од редакцијата и од администрацијата, под сомнение дека објавувале „бунтовнички содржини и публикации“.

Stand News е основана во 2014 година како непрофитна организација и е најистакнатиот преостанат опозициски медиум во Хонг Конг, откако култниот таблоид Apple Daily беше затворен за време на истрагата за националната безбедност на почетокот на оваа година, а сопственикот, Џими Лаи, беше одведен во затвор, пренесува Ројтерс.

Приведен директорот на Стенд Њуз/ Фото EPA-EFE/MIGUEL CANDELA

Последниот упад на кинеската полиција предизвикува загриженост за медиумските слободи во поранешната британска колонија, која се врати под кинеско владеење во 1997 година, со ветувањето на Пекинг дека ќе заштити широк спектар на индивидуални права.

Полицијата во соопштението објави дека постапила по наредба со која се овластуваат да „пребараат и одземат релевантни новинарски материјали“.

„Во акцијата се ангажирани повеќе од 200 полицајци во униформа и цивилна облека“, се вели во соопштението.

 

www.slobodenpecat.mk

Претходно

Со рекордни средства за субвенции за инвертер клими Град Скопје „ќе се бори“ против загадувањето

Следно

ВИДЕО | Тунтев: Изолациите се убиствен фактор за развој на воздушниот сообраќај

Latest from Blog

MacedonianEnglishAlbanian