Ја удрил со саксија по глава, а потоа со штрафцигер и два ножа внук ја избодел баба си до смрт

3 mins read

Младиот Давид Дудиќ (24) од Белград е уапсен под сомнение дека во средата брутално ја убил својата баба Десанка Дудиќ (70) во стан во Котеж, пишува Блиц.рс.

Тој по расправијата прво ја задавил старицата, а потоа со шрафцигер ја избодел во главата и градите, а потоа зел два кујнски ножеви со сечило од околу 20 сантиметри и продолжил да ја касапи.

Дудиќ е уапсен, сослушан во обвинителството и ќе одговара за кривичното дело тешко убиство, за кое му се заканува казна затвор до 40 години.

„Младиот човек најпрво вербално се пресметал со старицата. Во еден момент ја фатил за врат и ја соборил на подот од дневната соба. Таму ја задавил со раце, а потоа зел саксија и ја удрил по главата. Тогаш старицата веќе не можела да се бори. Се сомневаме дека Давид потоа тргнал по шрафцигер и два кујнски ножеви. Додека старицата лежела тој наизменично ја прободувал. Дури по обдукцијата ќе се знае колку убоди имала. Најмногу биле концентрирани во пределот на главата, лицето и градите“, објаснува соговорник на Блиц.рс близок до истрагата, кој тврди дека несреќната жена починала во најголеми маки од раните што ги добила.

Како што дознава Блиц.рс, во моментот на страотното злосторство, во дневната соба лежел вториот внук на Десанка.

„Во истрагата дознавме дека сега убиената се грижела за него бидејќи Стефан имал скршеници на двете нозе. Ќе биде сослушан за се околу убиството“, додал изворот.

Ѓорѓе Дудиќ, синот на убиената Десанка, на Фејсбук се прости од својата мајка и опиша како изгледала драмата откако дознал што направил неговиот син.

Соседите вчера околу 15 часот го виделе Давид кога дошол кај Десанка и со себе го водел и кучето. Се дознава дека младиот човек имал проблеми со наркотици, а се сомнева дека ја убил Десанка кога таа одбила да му ги даде парите што ги барал.

Набргу по неговото пристигнување во станот, соседите слушнале бучава, но како што велат, никој не се посомневал дека нешто страшно се случува во станот на Десанка.

Како што напиша на Фејсбук, синот на Десанка, Ѓорѓе се обидел да ја скрши вратата, но во тоа време пристигнала полиција и го спречила. На вратата останале видливи траги од обувки.

Добро е што полицијата ме фати додека ја кршев вратата, инаку ќе си ги извалкав рацете со него и ќе одговарав како човек, напиша Ѓорѓе.

Тој со шокантни зборови се прости од мајка си, велејќи дека „монструмот што требаше да ја сака“ ја уби крвнички на нејзиниот роденден.

„Денеска ти беше роденден мамо. Доби на подарок многу маки и болки, зло на кое светот не се сеќава, од некој што требаше да те сака“, напиша Ѓорѓе.

Потоа ги кажа најубавите зборови за својата мајка, нарекувајќи ја свој херој, ангел, самопожртвувана мајка и персонификација на чесноста.

www.slobodenpecat.mk

Претходно

Репрезентациите од Јужна Америка влегуваат во Лигата на нации

Следно

Студија: Лекот на „AstraZeneca“ делува против омикрон сојот

Latest from Blog

MacedonianEnglishAlbanian