Советниците од Левица во Совет на Град Скопје поднесоа барања за ревизија на неколку јавни претпријатија

1 min read

Советниците на Левица во Град Скопје поднесоа барање до Државниот завод за ревизија за спроведување на ревизија во ЈП Водовод и канализација, ЈСП Скопје и ЈП Лајка.

Обезбедување на објективна и реална оценка за тековните состојби и за ефикасноста на работењето на јавните претпријатија, и бројните индиции за нерегуларност во досегашното работење, се главните причини за поднесување на ова барање, велат од Левица. 

-Бројните индиции за нерегуларност во работењето на овие јавни претпријатија и последните финансиски извештаи кои укажуваат на неефикасно и нерентабилно трошење, и секако обезбедување на објективна и реална оценка за тековните состојби и за ефикасноста на работењето на јавните претпријатија, се главните причини за поднесување на ова барање на советниците на Левица. Последните ревизорски извештаи за овие ЈП од страна на Државниот завод за ревизија датираат од 2015 година, додека ЈП Лајка не постои во базата на сајтот на ДЗР, ниту е познато дали за него досега има направено ревизија. Оттука очекуваме ДЗР да го прифати барањето и да спроведе итна ревизија, изјави Антонио Димитров, советник во Град Скопје. 

Извор: skopjeinfo.mk

Претходно

Што прави денеска: Ирина Тошева, модна дизајнерка

Следно

Франција од сабота ја спушта рампата за патувања кон и од Велика Британија, освен во случај на „посебни причини”

Latest from Blog

MacedonianEnglishAlbanian