ЕП бара нов пакет санкции против Русија како одговор на трупањето војска на границата со Украина

1 min read

Европратениците денеска повикаа на нов пакет санкции против Русија како одговор на трупањето руски војници долж границата со Украина.

Во резолуцијата усвоена со 548 гласа „за”, 69 против и 54 воздржани, европратениците повикаа на „строги економски и финансиски санкции” кон Русија како одговор на нејзините закани кон Украина.

Украина, Европската унија и САД со недели ја обвинуваат Русија за планирање напад врз Украина. Според НАТО, Русија распоредила меѓу 75.000 и 100.000 војници, а Западот стравува дека тоа начи повторување на 2014 година, кога Русија го анектираше полуостровот Крим. Истата година, проруските сепаратисти окупираа дел од источна Украина, регионите Доњецк и Луганск.

Европратениците се залагаат за нов пакет санкции насочени кон руските воени претставници и луѓе блиски до Путин, повикувајќи на замрзнување на финансискиот и физички имот во ЕУ, забрана за патување и исклучување на Русија од платниот систем SWIFT.

Кремљ негира дека подготвува инвазија на Украина и тврди дека трупањето на руски војници долж границата со таа земја е исклучиво од одбранбен карактер и бара безбедносни гаранции за сопствената безбедност.

Москва бара НАТО да не распоредува оружје во земјите кои граничат со Русија и се противи на евентуалното членство на Украина и Грузија во тој сојуз.

Извор: МИА

www.slobodenpecat.mk

Претходно

ФОТО | На 61 година е вистински заводник: Погледнете како изгледа Игнасио од култната серија „Касандра“

Следно

Да се зголеми јавната свест дека со трансплантација на органи од починат донор се спасуваат животи

Latest from Blog

MacedonianEnglishAlbanian