Револуционерна вакцина пристигнува од Јапонија: Го запира стареењето

3 mins read

Јапонските научници успешно спроведоа студија за вакцини против клетки кои придонесуваат за процесот на стареење.

Научниците тврдат дека можеби направиле чекор кон постигнување човечка долговечност.

Во лабораториски испитувања, вакцината која ги таргетира протеините содржани во старите клетки, оние кои природно престанаа да се размножуваат, ја забави прогресијата на слабост кај постарите глувци, велат истражувачите од Универзитетот Јунтендо во Токио.

Вакцината успешно делува и на старите клетки во масното ткиво и крвните садови, што укажува на тоа дека може да има позитивен ефект врз други медицински состојби поврзани со стареењето.

„Можеме да очекуваме вакцината да се користи за лекување на артериска вкочанетост, дијабетес и други болести поврзани со возраста“, рече професорот Тору Минамино.

Клетките стануваат стари кога престануваат да се размножуваат, често како одговор на природното оштетување на нивната ДНК. Се смета дека клеточното стареење придонесува за самиот процес на стареење, како и за болестите поврзани со стареењето како што се Алцхајмерова болест и некои видови на рак.

„Старите клетки лачат голем број на патогени кои ја нарушуваат функцијата на ткивото“, изјави за Еурољуз д-р Салвадор Масип, директор на Лабораторијата за рак и механизми за стареење.

„Тие ги „повикуваат“ клетките од имунолошкиот систем теоретски да ги исчистат (но на крајот не успеваат) и создаваат хронично воспаление со низок интензитет, измешано со фиброза“, вели Масип.

Тој објасни дека биолошкиот процес на стареење е многу сложен и дека затоа е малку веројатно дека една единствена стратегија целосно ќе го запре или промени.

„Сепак, веројатно има многу начини да се забави, а чистењето на старите станици се чини дека е еден од најлесните и потенцијално ефективни“, рече тој.

Во лабораториските тестови, спречувањето на акумулација на клетките што стареат го продолжил животниот век на глувците за 15 проценти, рече Масип. Другите слични експерименти постигнале раст од 35 отсто, рече тој.

Сепак, научниците сè уште не знаат колку долго може да се продолжи животниот век.

„Ова е многу интересно прашање, за кое сè уште не сме се договориле. Некои веруваат дека постои „тврда“ граница за животниот век на човекот (во моментов се проценува на 130 години), додека други мислат дека, теоретски, бесмртноста може да биде можна“, рече Масип.

„Рано е да се знае колку долго може да се продолжи животот и дали има лимит или не“.

Тој посочува дека можеби нема да треба долго да чекаме за одговор, пренесува Јутарњи лист.

„Истражувањето за подмладување напредуваат многу брзо. Во последната деценија имаше многу клучни откритија. Личноста која ќе ја земе првата пилула против стареење веројатно е веќе родена“, заклучува Масип.

ИЗВОР:  lokalno.mk

Претходно

ФОТО: Без победник на дербито во Битола, Е. Пелистер и Вардар ги поделија бодовите

Следно

Како да препознаете инфекција со омикрон: Еден симптом се издвојува од петте вообичаени

Latest from Blog

MacedonianEnglishAlbanian