Александров: Бугарија не може да ја одобри нацрт-преговарачката рамка со Северна Македонија

1 min read

Бугарија не може да ја одобри нацрт-рамката за преговори, ниту да постави рок за свикување на првата меѓувладина конференција со Северна Македонија“, изјави бугарскиот постојан претставник во ЕУ на денешниот Совет за општи работи Румен Александров, пренесе БНР.

Како причина Александров посочи дека не се исполнети барањата на националната рамковна позиција, поткрепена со декларација на Националното собрание.

„На инсистирање на Бугарија, Советот потврди дека целосната имплементација на словото и духот на Договорот за пријателство и соработка од 2017 година е дел од процесот на пристапување“, велат од нашето постојано претставништво.

Истовремено Бугарија потврди дека го поддржува консензусот за почеток на преговори со Албанија. Во заклучоците за проширувањето усвоени во вторникот се вели дека Советот потсетува на важноста од постигнување јасни резултати и совесното спроведување на билатералните договори, вклучително и договорот од Преспа со Грција и договорот за добрососедски односи со Бугарија.

Државниот секретар во словенечкото Министерство за надворешни работи Гаспер Довјан го опиша текстот како „многу добро избалансиран“ и изрази оптимизам дека по формирањето на владата во Бугарија, наскоро ќе се постигне преговарачка рамка со Северна Македонија.

ВИДЕО | Стојковски: Бугарија не е подготвена за преговори, и во иднина ќе го блокира влезот на Македонија во ЕУ

www.slobodenpecat.mk

Претходно

МНР на Руската Федерација: Конфронтацијата против Русија е апсолутно неприфатлива

Следно

Македонскиот репрезентативец Алиоски ќе ја продолжи кариерата во Турција!?

Latest from Blog

MacedonianEnglishAlbanian