ВИДЕО | Едно општество за сите: Ова што го прави Бугарија не е само атак на македонскиот народ туку и на државата и сите оние кои живеат во неа

3 mins read

Двајца од авторите на книгата „Помеѓу поделено и едно општество“, Рубин Земон и Сефер Тахири што ќе се промовира денес беа гости во денешен Утрински брифинг.

-Станува збор за интеркултурализмот кој главно беше промовиран од Владата како стратегија, а оваа книга е еден обид академски тоа да се формулира. Станува збор за долгорочн процес, кој ќе трае 20 или 30 години и резултатите нема да можат да се видат веднаш, вели Земон.

Темата на која Тахири „Скица за надградба на мултикултурна и интеркултурна Северна Македонија“.

-Се обидувам да дадам препораки како треба да изгледа нашата земја во иднина преку промени на уставноправсниот систем, во сферата на медиумите и образованието, но и дека мораме да се соочиме со говорот на омраза и стереотипите кои постојат во јавниот говор и давам еден рецепт како тоа треба да изгледа во иднина. Дали ќе продолжиме да ја гледаме Македонија како заедничка земја правам паралела дека треба да ја гледаме како мешана салата, оти засега функционираме како различни салати. Заев беше еден од оние кои дадоа придонес во процесот на гледање на Македонија како заедничко и интеркултурно општество. Мора да функционираме така, а прво треба да тргнеме од себе, самите да се промениме, вели Сефер Тахири.

Тој вели дека поради секојдневните проблеми, меѓу кои и проблемот со Бугарија процесот Едно општество беше малку потиснат.

-Темелите се воспоставија и се поставија темели за концептот за Едно општество. Стратегијата е друга разбота. Таа е развој на концептот. Требаше три години да се направи истражување како да се спроведе тоа. Планирано беше стратегијата да трае до крајот на следната година, но имаше застој поради ковид пандемијата, вели Рубин Земон.

Во доктрината на ВМРО ДПМНЕ што ја промовираа на последниот конгрес се зборува за македонски човек, македонски, македонско… а не се споменува никој друг. Тоа е партија која претендира да дојде на власт и прашање е дали тоа би значело крај на концептот на едно општество.

-Ние имаме конфликт меѓу едно и поделено општество. Или ќе живееме во поделено општество со ѕидови или ќе градиме кохезија, вели Земон.

Тој вели дека темелите се поставени и дека треба да се вклучи и МАНУ. Треба да се има разбирање и со проблемите што ги има македонскиот народ со оспорувањето на неговиот идентитет. Земон вели дека градењето идентитет е процес, а ова што го прави Бугарија не е само атак на македонскиот народ туку и на државата и сите оние кои живеат во неа.

Проследете го целиот разговор во видеото

 

 

www.slobodenpecat.mk

Претходно

ВИДЕО | Андоновиќ: Mожни сценарија за потенцијална руска инвазија на Украина

Следно

Загрижувачки симптом на рак на белите дробови: Може да се појави во рацете и рамената, но и на лицето

Latest from Blog

MacedonianEnglishAlbanian