Џонсон го предупреди Путин: Воена интервенција во Украина ќе има сериозни последици

1 min read

Британскиот премиер Борис Џонсон денеска го повика рускиот претседател Владимир Путин на „смирување на тензиите” во Украина, предупредувајќи дека воената интервенција би била „стратешка грешка” што ќе има „последици”.

Во телефонскиот разговор, Борис Џонсон „ја изрази искрената загриженост на Велика Британија поради трупањето руски сили на украинската граница и ја повтори важноста од смирување на тензиите преку дипломатски канали”, се вели во соопштението на Даунинг стрит.

„Премиерот истакна дека Велика Британија е посветена на интегритетот и суверенитетот на Украина и предупреди дека секој обид за дестабилизација ќе биде стратешка грешка што ќе има големи последици”, се додава во соопштението..

САД, ЕУ и Киев со недели ја обвинуваат Москва дека подготвува напад врз Украина, што Кремљ го негира.

На средбата изминатиов викенд во Ливерпул, на северозападот на Англија, министрите за надворешни работи од Г7 упатија предупредување до Русија, а британската министерка Лиз Трус се закани со „огромни последици за Русија во случај на инвазија на Украина”.

Извор: МИА

www.slobodenpecat.mk

Претходно

Келнерка добила бакшиш од 4400 долари, а потоа и отказ од газдата (ВИДЕО)

Следно

Канческа-Милевска: ВМРО-ДПМНЕ треба повеќе да ја активира интелектуалната маса

Latest from Blog

MacedonianEnglishAlbanian