Се укинува обезбедувањето за сопругата и синовите на Нетанјаху

1 min read

Израелската парламентарна комисија денеска одлучи да го укине обезбедувањето за сопругата и возрасните синови на поранешниот премиер Бенјамин Нетанјаху, шест месеци по заминувањето од власт на долгогодишниот лидер на земјата.

Одлуката, која стапува во сила од утре, е донесена и покрај барањата на Нетанјаху, кој тврди дека неговото семејство е постојано изложено на закани.

Согласно стандардните процедури, обезбедување и автомобил со возач му следува на семејството на поранешниот премиер во првите шест месеци по неговото заминување од функцијата.

Меѓутоа, во јануари, на инсистирање на Нетанјаху, комисијата го продолжи лимитот на една година. Како што се наведува, истата комисија денеска ја усвои препораката на безбедносната служба Шин Бет тој рок да се намали на шест месеци. Во препораката на Шин Бет се потврдува дека нема непосредни закани кон сопругата или децата на Нетанјаху.

Во видео објавено на Фејсбук, Нетанјаху ја критикуваше одлуката како политичка, велејќи дека неговото семејство постојано добива закани.

Извор: МИА

www.slobodenpecat.mk

Претходно

Направете сами, домашен природен сок полн со витамини

Следно

СДСМ: До 14.00 часот гласале 27 248 членови или 47 проценти

Latest from Blog

MacedonianEnglishAlbanian