ФОТО | Српската глумица прогласена за најдобра актерка во Европа

3 mins read

Јасна Ѓуричиќ, актерката која ја толкува главната улога Аида во филмот „Quo vadis Aida“, е прогласена за најдобра актерка на 34. Европски филмски награди (ЕФА).

 

– Сега имам доказ дека сум европска актерка. Благодарение на Академијата. Прво сакам да му се заблагодарам на тимот „Quo vadis, Adia?“. Вие сте најдобриот тим, секогаш ќе останете во моето срце. Благодарам на моето семејство, децата и сопругот – изјавила Ѓуричиќ.

Ѓуричиќ ја играше главната улога во филмот „Quo Vadis, Aida?“, кој беше прогласен за најдобар европски филм, а неговата режисерка Јасмила Жбаниќ ја доби наградата за најдобар режисер.

Таа додаде дека конечно добила шанса да каже сѐ што мисли и чувствува за војните во поранешна Југославија.

– Јасмила, ти благодарам што зачекори таму каде што никој друг не се осмели да оди. Ова е награда посветена на сите жртви и мајки – истакнала таа.

 

View this post on Instagram

 

A post shared by Jasna Đuričić (@jasnadjuricic)

Јасна Ѓуричиќ е родена во Рума на 16 април 1966 година. Дипломирала на Академијата за уметности во Нови Сад, во класата на професорот Бранко Плеша. Била постојана членка на Српскиот народен театар во Нови Сад од 1990 година, каде што беше првенка на Драмата.

Добитник на бројни филмски награди. Меѓу другите, таа освои четири Стериини награди и Златен ловоров венец на МЕСС.

Во 2014 година ѝ беше доделена наградата „Добричин прстен“, најголемата награда во Србија што им се доделува на театарски актери за нивното животно дело. Таа, исто така, остварила голем број значајни улоги во филм и телевизија. За улогата во филмот „Бело, сѐ се бели“, во режија на Олег Новковиќ, таа го освои Сребрениот леопард за најдобра женска улога на филмскиот фестивал во Локарно во 2010 година, а за истата улога ја освои наградата за најдобра актерка на филмскиот фестивал Les Arcs.

 

View this post on Instagram

 

A post shared by Jasna Đuričić (@jasnadjuricic)

Европската награда за најдобар филм во 2021 ја доби „Кво вадис, Аида?“ на босанската режисерка Јасмила Жбаниќ, која е наградена и за најдобра режија. Жбаниќ ја посвети наградата на сите жени и мајки од Сребреница.

Наградата за најдобар актер ја освои Ентони Хопкинс за улогата во „Татко“, а за истиот филм наградени за најдобро сценарио се Кристофер Хемптон и Флоријан Целер.

Извор: www.slobodenpecat.mk

Претходно

Рама: Годинава „бебешки бонус“ добија 40 000 новороденчиња

Следно

Путин: Распадот на Русија би бил многу покрвав отколку во Југославија

Latest from Blog

MacedonianEnglishAlbanian