Британски лекари прогнозираат фатален крај за 25.000 до 75.000 лица од сојот омикрон во нивната земја

1 min read

Ширењето на сојот омикрон на коронавирусот може да доведе до значително зголемување на морбидитетот и морталитетот, се наведува во извештајот на Лондонската школа за хигиена и тропска медицина (LSHTM).

Авторите на документот претставија оптимистичко и песимистичко сценарио за пандемија во Англија од 1 декември до 30 април. Првиот сугерира дека имунолошкиот одговор кај населението ќе биде висок, а вакцините ќе останат ефикасни. Во овој случај, бројот на заразени би можел да достигне 2.000 дневно, а вкупниот број на хоспитализирани ќе достигне 175.000. Од нив, речиси 25.000 лица може да умрат.

Според песимистичкото сценарио,пак, може да дојде до двојно зголемување на бројот на посети на медицинските установи од однос на јануари 2021 година. Бројот на хоспитализирани би бил 492.000, а бројот на умрени 74.800.

Според еден од авторите лидери на истражувањето, Розен Бернард, доколку пандемијата се задржи до оптимистичкото сценарио, тогаш умерените мерки ќе бидат доволни за да се надминат тензиите со омикронот: ограничување на масовни настани, затворање на места за забава и работа од дома.

– Песимистичката перспектива, меѓутоа, сугерира дека можеби ќе бидат потребни построги мерки за да се избегне преоптоварување на националната здравствена служба, рече Бернард.

www.slobodenpecat.mk

Претходно

МВР: Затворени пет ноќни клубови и дискотеки во Скопје поради нерегуларности

Следно

Три дози од „Фајзер“ штитат од сојот омикрон, но четири пати помалку од делта сојот, тврди израелско истражување

Latest from Blog

MacedonianEnglishAlbanian