ВИДЕО | Готвиме со Маја: Домашни јуфки со спанаќ и ајварка

Напата позната готвачка Маја за денес ни подготви одлични домашни рецепти: домашни јуфки, со спанаќ или со ајварка, и соодветен сос во тегла. Погледнете како Маја ни ги подготвува денешните рецепти.

 

Домашни јуфки со спанаќ

300 г спанаќ

2 јајца

1 жолчка

2,5 чаши брашно

Морска сол

 

1. Изблендирајте го спанаќот со една жолчка и ставете неколку капки маслиново масло и направете паста.
2. Во брашното направете дупка и ставете малку маслиново масло, сол, 2 јајца и пастата од спанаќ.
3. Со виљушка полека соединете ги брашното и течните состојки.
4. Месете со раце се додека не добиете меко и гумено тесто.
5. Оставете го 15 минути на страна а потоа направете топчиња и развлечете кори како за класични домашни јуфки со помош на машина или рачно.

Домашни јуфки со ајварка

1 пиперка ајварка

1 лажица Вегета Маестро димен црвен пипер

2 јајца

1 жолчка

2.5 чаши брашно

 

1. Изблендирајте една црвена печена пиперка со една лажица димен црвен пипер, зелен бибер и малку маслиново.
2. Во брашното направете дупка и ставете малку маслиново масло, сол, 2 јајца и пастата од пиперката.
3. Со виљушка полека соединете ги брашното и течните состојки.
4. Месете со раце се додека не добиете меко и гумено тесто.
5. Оставете го 15 минути на страна а потоа направете топчиња и развлечете кори како за класични домашни јуфки со помош на машина или рачно.
6. Домашните јуфки сварете ги посебно да не се мешаат вкусовите.

 

Совет: Измешајте ги со доволна количина на брашно и оставете ги на чиста подлога да се исушат а потоа можете да ги чувате во кутија или платнена вреќичка.

Сос во тегла

1 конзерва Подравка пелати

1 чаша црвено вино

3 чешниња лук

1 лажица Вегета Маестро босилек

1 лажица Вегета Маестро оригано

1 китка свеж босилек

1 лажичка сол

1 лажичка бибер

1 лажичка Вегета Маестро димен црвен пипер

 

1. Во тенџере загрејте масло и ставете згмечен лук да се пропржи.
2. Додадете црвено вино и оставете да проврие.
3. Додадете ги пелатите, морска сол, бибер зелен, оригано, босилек и димен црвен пипер.
4. Оставете да се вари, се додека не се згусне.
5. Послужете го како сос со домашните јуфки