Успешен лет во вселената на ракетата на Џеф Безос со шест патници

1 min read

Вселенската компанија на милијардерот Џеф Безос „Блу Ориџин” (Blue Origin) денеска успешно го изведе третиот комерцијален лет во вселената, но првпат со шест патници.

Ракетата наречена „Њу Шепард”, според американскиот вселенски пионер Алан Шепард, денеска беше целосно исполнета кога полета од американската држава Тексас во вселената, а по летот, кој траеше десетина минути, се врати на Земјата. Леталото е именувано по Алан Шепард, кој влезе во историјата во 1961 година како втор човек во светот и првиот Американец кој патувал во вселената со еден од првите вселенски бродови.

Покрај ќерката на првиот американски астронаут, Лаура Шепард Черли, патници беа и телевизискиот водител и поранешен професионален играч на американски фудбал Мајкл Стрехан, филантропот Дилан Тејлор, инвеститорот Еван Дик, претприемачот Лејн Бес и неговиот син Камерон Бес.

Најстарата ќерка на пионерскиот американски астронаут Алан Шепард, денеска леташе до работ на вселената со комерцијалната ракета на Џеф Безос „Блу Ориџин”, 60 години по историскиот суборбитален лет на нејзиниот покоен татко, на самиот почеток на ерата на вселенските истражувања.

Лора Шепард Черли (74) била дете кога нејзиниот татко првпат тргнал во вселената и е една од шесте лица кои полетаа во 8:45 часот по средноевропско време од локацијата за лансирање во близина на руралниот град Ван Хорн во Западен Тексас.

www.slobodenpecat.mk

Претходно

Во расправија на сред улица: Бен Афлек со жестоки гестови се објаснуваше со поранешната сопруга Џенифер Гарнер

Следно

Прва лига: Кожув лесно со КК Ангели, Еуро Никел 2005 подобар од Работнички

Latest from Blog

MacedonianEnglishAlbanian