Маричиќ за „Дело”: Прашањето со Бугарија мора да се решава низ призмата на европските вредности

2 mins read

Министерот за правда Бојан Маричиќ во интервју за словенечкиот весник „Дело” посочува на важноста проширувањето на Европската Унија да се одвива по претходно утврдени принципи, реални заслуги и испорачани резултати, но, ја нагласува и потребата Унијата да даде временска рамка и план за проширувањето на земјите од Западен Балкан.

-Ние навистина направивме сѐ и покажавме искрена желба за решавање на отворените прашања, водејќи се од европските вредности. Затоа верувам дека проблемот со Бугарија може да се реши низ директен дијалог. Но, она што за нас е важно е тој дијалог да се темели на европски вредности и принципи, а не на основа “кој е посилен” или пак кој е член на Унијата, а кој не е”, истакна Маричиќ во интервјуто за словенечко „Дело”.

Маричиќ додаде дека за него прашањето со Бугарија не е само билатерален спор, туку и ситуација за која во иднина Европската Унија треба да дефинира што може држава членка на Унијата да бара од држава кандидат.

-Ние сме подготвени за дијалог и веќе разговараме за отворените прашања, но, исто така сме  подготвени тие отворени прашања да ги третираме и во текот на преговорите со ЕУ. Но, во никој случај не сме спремни да се откажеме од македонскиот јазик и од нашиот идентитет, вели Маричиќ за „Дело” и додава дека Владата на Република Северна Македонија покажала дека е составена од прогресивни сили кои навистина веруваат во политиките на ЕУ и нејзините вредности, кои очекувааат Унијата, нејзините институции и земјите членки да дадат свој придонес и заложба за нашата евроинтеграција.

 

www.slobodenpecat.mk

Претходно

Омикрон не предизвикува потешка форма на ковид

Следно

ВИДЕО: Дали имаше пенал за Сити – ВАР им помогна на „граѓаните“ против Вулверхемптон

Latest from Blog

MacedonianEnglishAlbanian