ВИДЕО | Расправата за буџетот во турскиот Парламент заврши со тепачка меѓу пратениците

1 min read

За време на синоќешната расправа за буџетот на Министерството за внатрешни работи на Турција, дојде до тепачка меѓу пратениците на владејачката Партија на правдата и развојот (АКП) и главната опозициска Републиканска народна партија (ЦХП).

Пратеникот од Бурса од редовите на ЦХП му се обрати на министерот за внатрешни работи Сулејман Сојлу и го праша за Сезгин Баран Коркмаз, бизнисмен кој моментално е во затвор во Австрија, кој се соочува со бројни обвиненија во Турција и САД, вклучително и перење пари, поткуп и измама.

Шефот на пратеничката група на ЦХП, Еркан Ајдин, го праша Сојлу: Зошто се качивте во авионот на Сезгин Баран Коркмаз? Вашата слика е објавена. Рековте дека нема друг авион. Ќе му кажеве на претседателот”. Како одговор на ова, како што пренесува Б92, министерот Сојлу рече: Вие лажете, вие сте измамник. На тоа Ајдин „му вратил”, па Сојлу уште повеќе се налути.

Интервенирајќи меѓу двајцата, заменик-претседателот на парламентарната група на ЦХП и потпретседател на ЦХП, Вели Агбаба, се обиде да ги смири страстите.

Но, во расправата се вклучија повеќе пратеници. По острата вербална расправа пратениците станаа. Најпрво дојде до меѓусебно пцуење на пратениците, по што следеше тепачка со тупаници.

Поради инцидентот седницата беше прекината.

Извор: МИА

www.slobodenpecat.mk

Претходно

МЕТЕО на УБ: Временската прогноза предвидува дожд за вечерва

Следно

Дневен хороскоп за 9 декември: Ќе му кажете збогум на минатото и со полно срце ќе се свртите кон иднината!

Latest from Blog

MacedonianEnglishAlbanian