Полицијата најде крстови, икони и скапи автомобили во вилата на „касапот“ Миљковиќ

2 mins read

Сопругите на водачите на најбруталниот клан во регионот, Вељко Беливук и Марко Миљковиќ, како и свекрвата на Беливук, се уапсени под сомнение дека переле пари заработени од криминална група од шверц на дрога, киднапирање и убиства.

Освен Бојана Беливук, Тања Миљковиќ и свекрвата на Веља Невоља, Снежана Ѓорѓевиќ, со лисици на рацете е и Марија Милутинов, невенчаната сопруга на обвинетиот член на таа криминална група Филип Ивановски. По наредба на Обвинителството за организиран криминал им е одредена мерка притвор до 48 часа.

Сите четири жени се уапсени во своите домови. Припадници на Управата за криминалистичка полиција во четвртокот утрото упаднале во нивните куќи, извршиле претрес, а потоа осомничените биле донесени на распит во Обвинителството за организиран криминал.

По неколкучасовна потрага, Тања Миљковиќ беше изнесена од зградата на улицата Чачанска во Звездара, каде што се куќите на Беливук и Миљковиќ една до друга, до зградата во Шилерева, која беше база на злогласниот „земунски клан. “.

Беливук и неговиот тим имаа неколку куќи во Србија, а покрај онаа во околината на Панчево, главната база требаше да биде и оваа во Звездара.

-Куќата е на неколку ката, а стаклото на прозорците е наводно отпорно на куршуми, односно блиндирано, има и скап видео надзор. До оваа вила се наоѓа и вилата на Марко Миљковиќ, десната рака на Беливук.

Овие две згради, наводно, се поврзани со коридор одвнатре, а куќата на Миљковиќ е опкружена со ѕидови и метална капија со шилци, а е обезбедена и со камери – вели изворот.

Куќата на Марко Миљковиќ на улицата Чачанска во Звездара, каде вчера беше уапсена неговата сопруга, наводно е луксузно опремена со скап мебел и бела техника, но и со скап видео надзор. Сепак, иконата на ѕидот ги привлече сите погледи.

-Не би било чудно Миљковиќ, наречен Месар, да не ужива во колењето и тортурата на жртвите. Во неговиот автомобил бил пронајден и крст. Низ отворената капија вчера се гледаше дека во дворот има голема кутија за кучиња, а во гаражата голем број различни автомобили и велосипеди за деца – вели изворот.

www.slobodenpecat.mk

Претходно

Прва лига: Феникс 2010 непријатно го изненади шампионот МЗТ Скопје

Следно

ФОТО+ВИДЕО | Jелена Kарлеуша најави еден куп новитети: Овој фустан го дизајнирав сама!

Latest from Blog

MacedonianEnglishAlbanian