МЕТЕО на УБ: Временската прогноза предвидува дожд за вечерва

1 min read

Денес времето во Македонија ќе биде променливо облачно со умерен, повремено засилен ветер од југоисточен правец. Во попладневните и во вечерните часови од запад ќе се прошируваат врнежи од дожд. На повисоките планини ќе има врнежи од снег. Температурите ќе се искачуваат во интервалот од 6 до 12 степени, вели временската прогноза на Славчо Попоски.

временска прогноза, славчо попоски
Временска прогноза на Славчо Попоски / Утрински брифинг

Во Скопје и околината времето ќе биде променливо облачно со умерен, повремено засилен ветер од југоисточен правец. Во вечерните часови и во текот на ноќта ќе има врнежи од дожд. Максималната температура ќе се искачи до околу 9 степени.

Потоа до крајот на оваа недела времето ќе биде променливо облачно со повремени врнежи од дожд. На повисоките места и на планините врнежите ќе бидат од снег, каде снежната покривка позначително ќе се зголеми. Поинтензивни врнежи ќе има особено во сабота. Ќе дува умерен до засилен ветер од јужен и од југоисточен правец, додека за време на викендот ветерот ќе го промени својот правец во северен.

Температурите ќе се искачуваат во интервалот од 8 до 15 степени, додека пониски температури ќе имаме за време на викендот и истите ќе се искачуваат во интервалот од 4 до 10 степени.

www.slobodenpecat.mk

Претходно

Путин потврди дека Русија за неколку дена ќе им ги предаде на САД предлозите за безбедносните прашања

Следно

ВИДЕО | Расправата за буџетот во турскиот Парламент заврши со тепачка меѓу пратениците

Latest from Blog

MacedonianEnglishAlbanian