Зголемување на нападите со злонамерен софтвер за 151 отсто во 2021 година

1 min read

Глобалните напади со злонамерен софтвер се зголемени за 151 отсто во првата половина на 2021 година во споредба со 2020 година. Хакерите стануваат поагресивни, соопшти канадската разузнавачка агенција.

Имајќи ги предвид нападите врз здравствените установи и гасоводите во САД, Институтот за безбедност на комуникациите (CSE) соопшти дека обемот и опсегот на сторителите претставуваат безбедносен ризик, како и економски ризик за Канада и нејзините сојузници.

– Операторите кои стојат зад нападите со злонамерен софтвер веројатно ќе станат се поагресивни во нивните цели, вклучително и против основната инфраструктура, се вели во извештајот објавен од Канадскиот центар за кибер безбедност, што е дел од CSE.

Агенцијата исто така соопшти дека имала извештаи за 235 инциденти со злонамерен софтвер против канадски жртви во периодот од 1 јануари до 16 ноември оваа година. Повеќе од половина од жртвите на хакерски напади се обезбедувачи на важна инфраструктура. Во 2021 година, просечната цена за закрепнување од такви инциденти двојно се зголеми на 1,8 милиони долари.

Извор: МИА

www.slobodenpecat.mk

Претходно

Скопјанец нападнат во угостителски објект во Карпош

Следно

Двојното паркирање на тетовските улици главна причина за честиот сообраќаен метеж

Latest from Blog

MacedonianEnglishAlbanian