Срушена дивоградба во Кисела Вода, градоначалникот порача дека законот важи за сите

1 min read

Акција за рушење на нелегално изграден објект утринава се одвиваше во Драчево.

Се работи за индустриски капацитет чиј сопственик ја започнал градбата кон крајот на летото, без да поседува било каков документ. Сепак, и без дозвола за градба, пред очите на сите, тој градел и стигнал до фазата во која беше денес.

Градоначалникот на Кисела Вода, Орце Ѓорѓиевски, кој присуствуваше на рушењето, упати јасна порака до сите дека од сега, во општина Кисела Вода смее да се гради исклучиво законски и дека нема да има толеранција за никого.

-Законот мора да важи за сите подеднакво, не смее веќе да има повластени лица и дискриминирани граѓани во општина Кисела Вода. Денес, започнавме со рушење на диво изграден објект во Драчево, чија градба започнала без соодветната документација, но со амин од претходната општинска администрација. За ова, јас ќе имам нулта толеранција. Законот е највисоката инстанца, која никој не смее да ја прескокне ако сакаме правна држава и општина во која секој граѓанин ќе биде еднаков. Кисела Вода мора да биде општина од 21.век, општина за сите луѓе подеднакво, потенцираше градоначалникот Ѓорѓиевски.

Извор: skopjeinfo.mk

Претходно

ФОТО | Северина ја облече мајка си во крзно од глава до пети: Штиклите се вистински хит!

Следно

Задолжителната вакцинација против коронавирус е апсолутно последна опција

Latest from Blog

MacedonianEnglishAlbanian