Американски експерт за сајбер безбедност ќе го советува Министерството за одбрана

1 min read

Во Министерството за одбрана од денеска ќе биде ангажиран американскиот советник за сајбер безбедност, Франк Ранеро, долгогодишен експерт во оваа област, како дел од соработката и стратешкото партнерство со Соединетите Американски Држави.

Како што информираат од Министерството за одбрана, во следниот период тој интензивно ќе работи со клучниот сајбер персонал на исполнување на амбициозната агенда на Министерството и заедничките напори за изградба и зајакнување на сајбер капацитетите на национално ниво. Во рамки на предвидените активности се планира развивање на нови т.н. сајбер авторитети и специјализирани сајбер тимови за брз одговор и мониторинг.

Министерката Радмила Шекеринска му посака добредојде на новиот советник на состанокот на кој присуствуваше амбасадорката на САД, Кејт Мари Брнз, одбранбениот аташе и претставник од Канцеларијата на САД за одбранбена соработка со Северна Македонија, и рече дека неговата улога ќе биде важна во развојот на нашата сајбер одбрана.

-Северна Македонија и САД уште еднаш покажаа дека сојузништвото има заеднички интереси, но и заеднички цели. Воедно, тоа сојузништво значи и дека стојат зад нас со своите експертски потенцијали, рече Шекеринска.

Американскиот советник истакна дека му е чест да учествува со својата експертиза во оваа сфера, во важен период за најновата членка на НАТО.

Извор: МИА

www.slobodenpecat.mk

Претходно

Светска банка одобри 280 милиони долари за Авганистан

Следно

Која е најопаснатa мувла во домот и како да ја препознаете?

Latest from Blog

MacedonianEnglishAlbanian