Папата Франциск повика на солидарност со жртвите од СИДА

1 min read

Папата Франциск денеска, по повод Светскиот ден за борба против СИДА-та, повика на обновување на солидарноста со луѓето кои живеат со ХИВ за да им се гарантира грижа во најсиромашните делови на светот.

Папата на општа аудиенција рече дека Светскиот ден за борба против СИДА-та е важен повод да се потсетиме на луѓето заразени со вирусот.

– Во некои делови од светот нема основна здравствена заштита. Се надевам дека е возможна обновена посветеност на солидарноста со цел да се гарантира ефективна и еднаква здравствена заштита (за луѓето кои живеат со ХИВ), рече Папата.

УНАИДС, програмата на ОН за ХИВ и СИДА во Женева, во понеделникот предупреди дека пандемијата на коронавирус ја ослабува борбата против СИДА-та во многу области и дека услугите за луѓето кои користат лекови за ХИВ се нарушени во 65 отсто од 130 земји.

СЗО наведува дека на крајот на 2020 година, 37,7 милиони луѓе во светот биле заразени со ХИВ, од кои повеќе од две третини во Африка.

Во писмото минатиот месец, Папата му се заблагодари на американскиот новинар Мајкл О’Лафлин кој напишал книга за работата на католиците кои им помогнале на жртвите од СИДА на почетокот на кризата во 1980-те години.

Извор: МИА

www.slobodenpecat.mk

Претходно

Приведено лице на Бит Пазар за издржување казна затвор

Следно

Филипче: ДНК анализите на починатите во автобуската несреќа во Бугарија ќе бидат завршени денеска или утре

Latest from Blog

MacedonianEnglishAlbanian