Муцунски: Укинавме две градежни маркици и донесовме одлука наместо кафеана да се изгради детска градинка

1 min read

Денеска на моја иницијатива Советот на Општина Аеродром на седница донесе одлука за изградба на нова градинка во склоп на основното училиште „Блаже Конески“. Ова на својата фејсбук страна го објави градоначалникот на општина Аеродром, Тимчо Муцунски. 

На седницата Советот на Општина Аеродром донесе одлука за изградба на нова детска градинка на местото на кафаната во училишниот двор на ОУ „Блаже Конески“. Ова беше еден од најголемите проблеми на мичуринци во предизборието, па затоа ставивме приоритет во неговото решавање. Повеќегодишниот проблем на граѓаните со места во градинките конечно се решава и граѓаните можат да бидат спокојни, напиша Муцунски на фејсбук. 

Тој додаде дека на денешната седница советот на општина Аеродром донел одлука за укинување на две градежни маркици на потегот помеѓу Перла Бјанка и Маркет ЗУР и наместо колективни згради ќе се предвиди парковско зеленило.

Со овие одлуки Општина Аеродром јасно става на знаење дека потребите и мислењето на граѓаните се и наш приоритет и дека со нас како локална власт имаат партнер во решавање на сите проблеми, потенцираше Муцунски. 

Интензивно работиме на многу нови проекти од општ и јавен интерес. Правиме сè за поубава и зелена општина и ги остаруваме проектите кои ги ветивме во предизборниот период за да ја оправдаме поддршката од граѓаните, заклучува тој во својата фејсбук објава. 

Извор: skopjeinfo.mk

Претходно

Мобилниот телефон на кралицата Елизабета не може да се хакира, а на него одговара само на двајца

Следно

Британија ќе понуди трета доза на вакцина против ковид за сите полнолетни

Latest from Blog

MacedonianEnglishAlbanian