ПРОЈА СО МЕСО ќе ги воодушеви и најголемите гурмани (РЕЦЕПТ)

1 min read

Проја со месо е идеална за појадок, вечера или ужина.

Можете да ја подготвите и како предјадење за слава, бидејќи е многу вкусна и ќе ги задоволи критериумите и на најстрогите критичари.

Се подготвува многу едноставно и брзо. Одлично оди со салати, но и со јогурт.

Состојки:

300 гр мелено свинско месо

главица кромид

200 мл јогурт

150 мл масло

4 јајца

50 гр сусам

14 лажици пченкарно брашно

кесичка прашок за пециво

по вкус бибер

по вкус сол

Подготовка:

Кромидот се сечка и се пржи на малку масло, па се додава меленото месо и се динста со кромидот. Додадете сол и бибер.

Посебно се матат јајцата, па се додаваат јогуртот и маслото. Во смесата додадете пченкарно брашно измешано со прашок за пециво и сусам и измешајте.

На крај додадете го меленото мелено месо, сè убаво измешајте и посолете по желба.

Истурете во подмачкана тава и печете во рерна на 200 степени околу 40 минути.

Пројата се остава да се излади, па се сече и се сервира.

Добар апетит!

ИЗВОР:  lokalno.mk

Претходно

Со липосукциска исхрана: Колинда Грабар-Китаровиќ денес изгледа подобро од кога и да е!

Следно

Општина Илинден: Континуирано работиме на подобрување на електроенергетската мрежа

Latest from Blog

MacedonianEnglishAlbanian