Борусија му нуди двојно поголема плата на Халанд за да остане на „Сигнал Идуна Парк“

1 min read

Борусија Дортмунд сака да го задржи својот најдобар стрелец Ерлинг Халанд за кого интерес пројавуваат најсилните екипи од Англија, Шпанија, Итралија, и за таа цел ќе му понуди двојно поголема плата.

Халанд кој моментно се опоравува од повредата на колкот,  за германскиот тим досега одигра 69 натпревари на кои постигна дури 70 гола и имаше 19 асистенции.

Според клаузулата, Халанд идното лето ќе може да си замине од Борусија доколку заинтересираните екипи понудат само 75 милиони евра, сума која е смешна за екипи како Реал Мадрид, Челси, Манчестер сити, Манчестер јунајтед, ПСЖ, Ливерпул…

Но, Борусија нема намера да се предаде без борба и германските медиуми откриваат дека „милионерите“ се подготвени да му ја дуплираат платата на одличниот напаѓач и доколку потпише нов договор, неговата плата од девет ќе скокне на 18 милиони евра годишно.

 

www.slobodenpecat.mk

Претходно

Совет на Европа: Потребна е борба и против дигиталната димензија на насилството врз жените

Следно

Во Бугарија годишно умираат 8.500 луѓе од загаден воздух

Latest from Blog

MacedonianEnglishAlbanian