ВИДЕО | Силна експлозија во фабрика за оружје во Белград, загинаа двајца работници

2 mins read

Силна експлозија одекна околу 14 часот во Бубањ Поток, а густ чад лебди над таа приградска белградска населба. „Вечерни Новости” објавија дека две лица го загубиле животот. Според „Телеграф”, во експлозијата во фабриката има загинати, а едно работник кој бил заробен пожарникарите успеале да го извлечат, јави дописникот на МИА од Белград.

Експлозија се случила во фабриката во населбата Лештане во Белград, соопштија за „Данас” од Министерството за внатрешни работи на Србија. „Нова.рс” јавува дека несреќата се случила во компанијата „Еде про” во Лештане, која произведува делови за ракети, ракетни турбо мотори и гориво, а во моментот на експлозијата во фабриката имало работници. Во Ургентниот центар во Белград се примени две лица, во тек е дијагностика, потврдија за Н1.

Во тој дел на Белград почувствувани се силни детонации.

Веднаш по експлозијата испратени се 11 возила со 36 пожарникари, а потоа и засилување, изјавија за РТС од МВР.

Како што дознава „Нова.рс” од жителите на приградската населба Лештане, експлозијата била силна, а на некои граѓани искршени им се прозорците.

На видео објавено на Твитер се гледаат автомобили како горат во близина на фабриката.

Извор: МИА

www.slobodenpecat.mk

Претходно

Голем дел од настраданите во несреќата се од скопско Студеничани

Следно

Шоканатни ковид-забави во Италија: Заразениот го врзуваат за кревет и го бакнуваат за да го вдишат вирусот

Latest from Blog

MacedonianEnglishAlbanian