Новиот сој на коронавирусот пријавен и во Британија

1 min read

Според најновото истражување на „Империал колеџ” од Лондон, 11,8 отсто од 841 секвенционирани позитивни примероци покажуваат присуство на подваријанта на коронавирусот AY.4.2, пренесува Би-Би-Си.

Според британските власти, овој нов вид на вирус се шири побрзо од претходните соеви, а научниците истакнуваат дека во истовремено има се помалку симптоматски заболувања.

Анализата на истражувањето наведува дека при инфицирање со овој нов сој, ретки се типичните симптоми на коронавирусот, како што се губење на чувството за мирис и вкус, температура и кашлица.

Авторот на истражувањето, Пол Елиот, изјави дека генерално е добро што има се помалку и помалку симптоми, додека научничката Кристел Донели за Скај изјави дека засега не е можно да се процени како оваа подваријанта на коронавирусот ќе влијае врз натамошниот тек на пандемијата.

Помалку симптоматски случаи значат дека и помалку заразени случаи ќе бидат препознаени, а, од друга страна, исчезнувањето на симптомите, како кашлицата, може да го намали ризикот од инфекција.

www.slobodenpecat.mk

Претходно

Блиски на жртвите во несреќата во Бугарија собрани пред седиштето на „Беса Транс” во Скопје

Следно

Ни патниците ни сопствениците на агенцијата Беса се недостапни за роднините

Latest from Blog

MacedonianEnglishAlbanian