Курц остана без пратенички имунитет поради истрагата за корупција

1 min read

Поранешниот австриски канцелар Себастијан Курц денеска остана без пратеничкиот имунитет откако законодавците едногласно гласаа да се расчисти патот за отворената истрага против него за корупција, јави ДПА.

Дури и Курц и членовите на неговата централно-десничарска Австриска народна партија (ОВП) го поддржаа потегот, за кој велат дека е неопходен за што побрзо да се расчистат обвиненијата.

Курц и тесно поврзана група негови поддржувачи се обвинети дека користеле државни пари за да добијат поволни резултати од истражување што го поттикнало неговото издигнување на позицијата лидер на ОВП а подоцна и канцелар. Тој, исто така, е обвинет за давање лажни изјави пред парламентарна истрага за различен скандал со поранешен коалициски партнер.

Курц ги отфрли сите обвиненија, додава ДПА.

Претресите на 6 октомври во кабинетот на канцеларот, седиштето на ОВП и Министерството за финансии доведоа до серија откритија – и притисок за гласање недоверба – што го натераа Курц да се повлече од функцијата подоцна во текот на месецот. Но, тој останува пратеник и продолжува да е шеф на партијата и шеф на нејзината пратеничка група.

Извор: МИА

www.slobodenpecat.mk

Претходно

Арсовска: Совет за поддршка на женско претприемништво на Град Скопје е еден од важните чекори за локален развој 18.11.2021

Следно

Мисајловски открива за што заседава вечерва Извршниот комитет на ВМРО-ДПМНЕ

Latest from Blog

MacedonianEnglishAlbanian