Зимско одржување на сообраќајниците: За што е задолжено ЈП „Улици и патишта“, а за што општините?

1 min read

Носител на активностите за зимското одржување на улиците во Град Скопје ќе биде ЈП „Улици и патишта“ со целокупната механизација и расположивиот кадровски потенцијал.

Со Програмата се предвидени обемот, динамиката и нивото на одржување на улиците со цел да се обезбеди непречено и безбедно одвивање на сообраќајот на градските сообраќајници во зимски услови.

Кoловозните ленти при одржувањето во зимски услови ќе се расчистуваат според приоритети, како што се критичните точки, пристапите до објектите од витално значење за граѓаните и сообраќајниците од посебно значење за функционирање на сообраќајот /стопански објекти.

Преостанатите јавни претпријатија се задолжени во рамки на Програмата и своите надлежност да обезбедат механизација и опрема, а имаат изготвено и посебни подпрограми за расчистување на јавни површини во зимски услови, велат од ЈП „Улици и патишта“. 

Кризниот штаб, посебно апелира до граѓаните, урбаните заедници, куќните совети и претпријатијата, благовремено да преземаат мерки за отстранување на возилата од коловозите, расчистување на пешачките приоди, приодите до објектите и покривите на објектите. Во спротивно, полицијата и комуналните инспектори, врз основа на Законот за јавна чистота ќе изрекуваат казни.

-Посебно апелираме до возачите да ја почитуваат законската регулатива за задолжително користење зимски пневматици, со што ќе придонесат во организирањето на оптималната безбедност на сообраќајот во зимски услови. За расчистување на сервисните улици надлежни се општините. Зимската сезона почна вчера, а завршува на 15.март 2022 година.

Извор: skopjeinfo.mk

Претходно

ФОТО | Интервју со Марија Исаиловска, дефектолог по професија, но и пекарка на слатки чуда

Следно

„Фајзер“ ќе им дозволи на други компании да направат сопствен лек

Latest from Blog

MacedonianEnglishAlbanian