Страшни вести: Поранешниот српски репрезентативец Јеловац доживеал мозочен удар на тренинг

1 min read

Српскиот кошаркар Стеван Јеловац се наоѓа во болница во Атина откако во неделата доживеал мозочен удар на тренингот на АЕК.

Грчките медиуми пренесуваат дека Јеловац се чувствувал лошо и дека само колабирал, за во меѓувреме да се појави информација дека врз него бил извршен и оперативен зафат.

Што се однесува до актуелната здравствена ситуација на Јеловац, медиумите се поделени, едни тврдат дека неговата состојба е стабилна, додека водечките грчки медиуми пак пишуваат дека наредните 48 часа се клучни и критични за животот за поранешниот српски репрезентативец.

АЕК вчера играше натпревар во Лигата на шампионите на ФИБА против Рига, а плејмејкерот на грчкиот тим Кино Колом, победата му ја посвети токму на Јеловац.

– Ова е повеќе од кошарка,здравјето е најважно и сите се надеваме дека Стеван ќе се опорави. Оваа победа е за него, сите му посакуваме сè најдобро и се надеваме дека наскоро повторно ќе биде со нас – изјави Колом.  

www.slobodenpecat.mk

Претходно

Северна Македонија е најотпорна на странско влијание од сите земји во Западен Балкан

Следно

Ким: Без разлика што може да се случи внатре или надвор од Албанија, позицијата на САД нема да се смени

Latest from Blog

MacedonianEnglishAlbanian