Арсовска на традиционална средба со борците од НОАВМ 13.11.2021

1 min read

Градоначалничката на Град Скопје, Данела Арсовска, денеска се сретна со претставници на Градскиот одбор на Сојузот на борците од Народноослободителната антифашистичка војна на Македонија, по повод одбележувањето на 13 Ноември – Денот на ослободувањето на Скопје.

На средбата се зборуваше за значењето на организираната борба за слобода, за пожртвуваноста на многубројните борци кои ја извојуваа победата за да имаме денеска слобода и за идеалите за современо општество.

Пожелувајќи им добро здравје и понатамошна успешна соработка, Арсовска им се заблагодари за храброста, силата и упорноста која ја покажаа сите борци во борбата за слобода за нас и за идните генерации. Таа истакна дека почитта кон ликот и делото на нашите народни херои и пожртвувани борци и нивниот непокор е ода на слободата и не потсетува колку е значајно да ја чуваме, пред се преку негување на човечноста и взаемната почит меѓу луѓето.

 

https://skopje.gov.mk

Претходно

Љубовта е повеќе од инстинкт: Ова се трите теории за љубовта на големиот Фројд

Следно

ГАЛЕРИЈА | Џон Кери „збесна“ додека не се усвои новиот климатски договор во Глазгов

Latest from Blog

MacedonianEnglishAlbanian