Гласот на Америка: Србија и Косово сепак ќе бидат поканети на Самитот за демократија

2 mins read

Србија и Косово ќе бидат поканети на Самитот за демократија организиран од американскиот претседател Џозеф Бајден, дознава Гласот на Америка од извор во Вашингтон.

За таа информација се уште нема официјална потврда, а Гласот на Америка се уште нема добиено одговор од Стејт департментот по тој повод.

Самитот за демократија ќе се одржи онлајн на 9 и 10 декември и ќе собере повеќе од 100 земји, со цел да се запре демократскиот пад и ерозијата на човековите права и слободи ширум светот.

Минатата недела порталот „Политико“ објави дека Србија, Косово и Босна и Херцеговина не се меѓу 100-те поканети земји и правни инстанци и дека на листата се Црна Гора, Албанија и Северна Македонија.

Американската амбасада во Белград во вторникот за агенцијата Бета изјави дека не можат сите партнери на Вашингтон да бидат вклучени во иницијативата на Бајден и дека целта е да се собере регионално и социо-економски разновидна група земји и правни инстанци.

На прашањето на Бета дали се точни тврдењата дека Србија нема да биде поканета на Самитот и кои се причините за ваквата одлука, портпаролот на американската амбасада во Белград рече дека „целта била да се обединат земјите со веќе високо развиени демократии“, различни по население, етнички состав и географска локација“.

„Самитот за демократија на претседателот е една од многуте американски иницијативи насочени кон унапредување на демократијата, борбата против корупцијата и промовирање на почитувањето на човековите права ширум светот. САД остануваат посветени на соработката со Србија за унапредување и зајакнување на демократијата преку други форуми, почитувањето на човековите права и борбата против корупцијата со цел заедно да докажат дека демократските земји ги задоволуваат потребите на нивните народи“, изјави во вторникот портпаролот на амбасадата.

www.slobodenpecat.mk

Претходно

Пресврт на МЗТ Скопје за втор триумф на турнирот во Осијек, Пелистер се враќа со два порази

Следно

ВИДЕО | Сергеј се враќа, модниот гуру со ново шоу: Забавата почнува!

Latest from Blog

MacedonianEnglishAlbanian