Авторот на Squid Game откри детали за втората сезона

1 min read

ИАКО креаторот на мегапопуларната серија Squid Game, Хванг Донг-Хјук на почетокот не бил заинтересиран за снимање продолженија, па дури изјавил дека му здосадила самата помисла на втората сезона, фактот дека неговиот проект е најгледан во историјата на Netflix го предомисли.

Како што одминуваше времето, Хванг беше поблаг, а неодамна откри детали за тоа што може да очекуваат гледачите во втората сезона.

Како што знаеме, првата сезона завршува со главниот лик Сеонг Ги-хун кој чека да се качи на летот, но наместо да ја посети својата ќерка, поради што се согласил да учествува во лудото натпреварување, тој се врти и решава да се врати. Креаторот на серијата откри дека Ги-хун ќе се појави и во втората сезона.

„Се уште е во мојата глава и во фаза на планирање. Исто така, рано е да дознаам кога и како сето тоа ќе се случи. Она што можам да ви ветам е дека Ги-Хун ќе се врати. Тој ќе направи нешто за светот“, откри тој за АП, а минатиот месец рече дека ја разгледува и идејата за полициска истрага која се појави во првата сезона, но немаше премногу ефект.

Хванг, исто така, објасни зошто втората сезона стана неизбежна: „Има толку голем притисок, побарувачка и љубов за идејата за втората сезона. Чувствувам дека гледачите не ни оставија избор“.

ИЗВОР:  lokalno.mk

Претходно

Ноември – месец на машкото здравје: Пуштете мустаќи и грижете се за своето здравје

Следно

Стипендии од Општина Центар за осум основци од семејства во социјален ризик

Latest from Blog

MacedonianEnglishAlbanian