Јамкимовски побара поголема дисциплина од комуналните работници во Карпош

1 min read

Градоначалникот на општина Карпош Стевчо Јакимовски побара поголема ажурност од вработените во општината задолжени за одржување на хигиена.

При утринската контрола на улиците градоначалникот констатираше дека се уште има места со смет кои со месеци не се расчистени. За да се стави општината под ред, Јакимовски смета дека потребна е поголема дисциплина и организација во работењето.

На тие пак, што нема да можат да го издржат темпото на работа најави дека ќе им се заблагодари на соработката.

-За жал има места кои со месеци не се фатени. Тука спроти Сити мол, каде што доаѓаат граѓани од цела Македонија, Јужна Србија, Косово… Ова место е лицето на општината, а е на само двеста метри од пунктот каде што се наоѓаат дваесет наши работници. Општина Карпош никогаш немала 118 чистачи и да имаме ваква нехигиена. Фали подобра организација, подобра дисциплина за општината да ја ставиме во ред. Оние кои не се подготвени да го издржат тоа темпо ќе им се заблагодариме на соработката. Јас сум сигурен дека за од прилика десетина дена ќе доведеме се под контрола. Лисја постојано ќе паѓаат тоа не е страшно, ќе го чистиме, но сметот мора да се тргне, рече Јакимовски.

Извор: skopjeinfo.mk

Претходно

Парада од модни ѕвезди: Зендеја ја прими наградата за модна икона на „CFDA“

Следно

Рекорд во последните 116 години: Половина метар снег наврна во североисточна Кина

Latest from Blog

MacedonianEnglishAlbanian