Новак Ѓоковиќ го совлада Американецот Тејлор Фриц со резултат 2:0 во сетови 6:4 и 6:3 во четвртфиналето на Мастерс турнирот во Париз.
Тоа беше петта победа за српскиот ас во петте меѓусебни средби против младиот натпреварувач од САД, а седмо полуфинале за Ѓоковиќ во Париз.
Тоа беа два неизвесни сета во кои беа видени многу брејкови, но факт е дека Ѓоковиќ се прашуваше за случувањата на теренот од почетокот до крајот на мечот.
Успеа да направи брејк на самиот старт, но младиот Фриц не се предаде, возврати, но на освојувачот на 20 грен слем титули не му требаше многу мака за да поведе со 1:0 во сетови, по 39 минути игра.
Американецот успеа да му го одземе сервисот на Новак на стартот од вториот сет, но по слично сценарио во првиот сет доби одговор. Новак возвраќа, а потоа прави нов брејк кој го задржа до крајот и заслужено славеше.
Lessons in winning in style from @DjokerNole 😍
He defeats Taylor Fritz in two sets 6-4 6-3 to reach his 7th semi-finals in Paris.#RolexParisMasters pic.twitter.com/XMAl935OxX
— ATP Tour (@atptour) November 5, 2021
За пласман во големото финале првиот светски рекет ќе се соочи против Полјакот Хуберт Хуркач кој со 2:1 (6:2, 6:7, 7:5) го елиминираше Џејмс Дакворт од Австралија.
Втората полуфинална двојка ќе ја дознаеме по одигрувањето на останатите две четвртфинални двојки, Гастон (Франција) – Медведев (Русија) и Рууд (Норвешка) – Зверев (Германија).
