Дејан Митески на чело на Советот на Општина Аеродром

1 min read

Дејан Митески беше избран за претседател на Советот на Општина Аеродром на денешната конститутивна седница, на која беше верифициран и мандатот на новите членови.

Тој порача дека ќе се залага Советот да игра конструктивна улога во работата на Општината, со цел да придонесе за подобрување на условите за живот на граѓаните.

„Од оваа говорница можам да порачам дека ќе работам транспарентно, одговорно и чесно со единствена цел – просперитет на Општина Аеродром што им го должиме на нашите граѓани“, изјави Митески, преземајќи ја функцијата претседател на Советот на Општина Аеродром.

Градоначалникот на Општина Аеродром, Тимчо Муцунски, честитајќи им го изборот, им посака успешна работа на новите советници и нагласи дека очекува конструктивна работа на Советот.

„Се надевам дека ќе имаме добра соработка и дека сите ќе бидеме на иста линија на размислување кога е во прашање развојот на општината. Доколку на сите ни е тоа крајна интенција и цел во секој момент при одлучувањето и во Советот и во нашето секојдневно работење заедно со општинската администрација, која исто така има значајна улога, верувам дека на крајот на нашиот мандат сите ќе бидеме задоволни од тоа што сме го сработиле“, изјави Муцунски.

 

Извор: skopjeinfo.mk

Претходно

Фатени за рака на „ролеркостер“: Ким Кардашијан и Пит Дејвидсон поминаа викенд заедно

Следно

Во Русија ќе се одржат тенковски воени вежби на ОДКБ

Latest from Blog

MacedonianEnglishAlbanian