Вучиќ најави зголемување на платите за 7-8 отсто, а пензиите за 5,5 отсто

1 min read

Претседателот на Србија, Александар Вучиќ синоќа најави зголемување на платите во наредната година од седум до осум отсто во јавниот сектор, зголемување на минималната плата за 9,4 отсто и на пензиите за 5,5 отсто, пренесува Блиц.рс.

„Во Белград просечната плата ќе биде 760 евра, што не е многу, но не е малку, имајќи предвид дека беше 425 евра, а во Србија 329 евра“, изјави Вучиќ за ТВ Б92.

Тој рече дека од растот зависи и растот на платите и растот на пензиите, а годинава Србија ќе има раст од 7,5 проценти од што е задоволен.

Вучиќ рече дека во разговорот со ММФ имало дилема, односно два избора.

“Едниот е да се направат предизборни зголемувања на се, за луѓето да сакаат да слушнат или да се оди на дополнително намалување на дефицитот и јавниот долг. Одлучивме следната година да завршиме со максимум 55 отсто од јавниот долг, што би не направило една од најорганизираните земји во Европа. Исто така, решивме да не си правиме премногу обврски што не можеме да ги исполниме“, рече Вучиќ.

Според него, инфлацијата од 2008 до 2012 година била 9 отсто, од 2013 до 2020 година само 2 отсто, а годинава се проценува дека ќе биде 3,5 отсто.

Вучиќ најави дека од понеделник ќе има исплата на 30 евра за пензионерите, а во вторник и среда исто така 30 евра за сите полнолетни граѓани кои се пријавиле за еднократна помош.

www.slobodenpecat.mk

Претходно

Алегри: Реалноста е дека Јувентус е тим за средината на табелата

Следно

Eсенски шмек на францускиот тост: Додадете тиква и пекан ореви

Latest from Blog

MacedonianEnglishAlbanian