ВО ЖИВО: Резултати од вториот круг од Локалните избори 2021

10 mins read

20.23 ч. ВИДЕО | Максим Димитриевски слави: Готови се!

Независниот кандидат за градоначланик на Куманово, Максим димитриевски, прогласи победа во вториот круг од локалните избори.

Тој на својот Фејсбук профил се вклучи во живо од изборниот штаб. Присутните еуфорично го извикуваа неговото име и порачаа: „Готови се!“.

20.08 ч. Спасовски: Вториот круг од изборите помина во мирна и демократска атмосфера

Во мирна и демократска атмосфера помина и вториот круг од локалните избори, изјави вечерва министерот за внатрешни работи Оливер Спасовски.

– Граѓаните навреме ги пријавуваа сите проблеми, а полицијата успеа навреме да реагира по секоја поплака – изјави Спасовски.

Тој истакна дека најголем број од пријавите за прекршувања, како агитирање на гласачи, се регистрирани во Штип.

Оливер Спасовски, министер за внатрешни работи, Фото: Слободен печат

 

19.43 ВИДЕО | Лукаревска: Волјата на мнозинството ќе потврди дека општините и град Скопје, продолжуваат по патот на напредокот

– Штотуку го искористив своето право на глас и очекувам денешниов изборен ден да продолжи во демократска атмосфера и секој еден да биде на висина на задачата. Локалните власти се првата отворена врата за граѓаните и денеска граѓаните ќе одлучат, изјави потпретседателката на СДСМ Сања Лукаревска.

Според неа волјата на мнозинството ќе го определи развојот на секоја општина и на градот Скопје.

19.42 Османи: Изборниот ден потврди дека Северна Македонија е зрела демократија

Изборниот ден поминал во мирна, слободна и фер атмосфера, а граѓаните уште помасовно излегле да ги избираат претставниците кои ќе ги водат локалните самоуправи во следните четири години, оцени Бујар Османи од ДУИ во првата изјава од партијата по затворањето на гласачките места.

Османи упати „честитка за вистинска победа на сите нас, на граѓаните, на институциите, на сите нас кои учествувавме во изборниот процес“.

Бујар Османи, портпарол на ДУИ, Фото: Принтскрин/Фејсбук

19.41 ч. Арифи: Убедена сум дека граѓаните знаеле и ќе знаат да ја ценат работата што е вршена за нив

Тетовската градоначалничка и кандидатка за нов мандат од ДУИ, Теута Арифи денеска своето право за гласање го оствари на гласачко место 1946 во ООУ „Истигбал” во Тетово.

– Апсолутно сум убедена дека граѓаните знаеле и ќе знаат да ценат работата што е вршена за нив, сите потешкотии низ кои сме поминале и целата спремност да продолжиме и понатаму да работиме за нашиот град и во целина за нашите граѓани“, изјави Теута Арифи.

Теута Арифи, локални избори 2021/ Фото: Фејсбук, Теута Арифи

19.41 ч. Митева од ВМРО-ДПМНЕ: Веруваме во победа и покрај сите притисоци

Веруваме во победа и покрај сите притисоци и злоупотреби. Зголемената излезност на гласачите е најдобар одговор на црната кампања на СДСМ, порача на прес-конференција кратко по затворањето на гласачките кутии портпаролката на ВМРО-ДПМНЕ, Марија Митева.

– Власта која паѓа го покажа своето недемократско лице со брутална и масовна злоупотреба на државни ресурси за партиски цели. СДСМ е подготвен да ја сочува власта по секоја цена и сведочевме на поткуп, кршење на изборниот молк во Кочани, Радовиш, Ново Село, Македонска Каменица, Ѓорче Петров. Вчера беше нападната новинарска екипа, денеска новинарска екипа беше спречена да известува, во Бојане беше нападнат набљудувач од невладина организација и други дејства спротивни на Изборниот закон. Сите мерки што ни се на располагање ќе ги превземеме во врска со овие нерегуларности, изјави Марија Митева.

 

Марија Митева, портпаролка на ВМРО-ДПМНЕ / Фото: Принтскрин, ВМРО-ДПМНЕ

19.34 ч. Села: Граѓаните секогаш треба да бидат насочени кон промени

– Промените се добри, бидејќи ја поттикнуваат конкурентноста и се надевам граѓаните ќе бидат насоечни кон промени, изјави лидерот на Алијанса за Албанците Зијадин Села, по остварувањето на гласачкото право во вториот круг од локалните избори, во струшкото село Ливада.

Зијадин Села, локални избори 2021/ Фото: Фејсбук, Зијадин Села

19.29 ч. Ахмети: Денеска се слави демократијата

Своето избирачко право, лидерот на Демократската унија за интеграција Али Ахмети денеска го ствари во кичевското село Зајас. Тој истакна дека гласањето се одвива многу добро и посочи оти овие избори се вистински тест за зрелоста на нашата земја.

Али Ахмети, локални избори 2021 / Фото: Фејсбук, Али Ахмети

19.21 ч. Таравари: Очекувам да победи подобриот

Кандидатот за градоначалник на Општина Гостивар од коалицијата Алијанса за Албанците-Алтернатива, Арбен Таравари во изјава за медиуми по остварувањето на правото на глас, изрази оптимизам за резултатите по гласањето во вториот круг.

Арбен Таравари, локални избори 2021/ Фото: Фејсбук, Арбен Таравари

19.17 ч. ДИК: До 18.30 часот гласале 555.943 гласачи, излезноста 48,88 проценти – продолжено гласањето на неколку избирачки места

Државната изборна комисија вечерва на прес конференцијата во 19 часот соопшти дека 48.88 % е вкупната излезност на гласачите во 44- те општини и Градот Скопје, до 18.30 часот.

Локални избори 2021, втор круг / Фото: Слободен печат – Драган Митрески

Тоа значи дека гласале 555.943 македонски граѓани во целата држава, додека на три гласачки места во Општина Карпош гласањето ќе се продолжи за уште 2 часа и 55 минути колку што имало прекин на гласачките места 2867, 2831, 2815, а на 3 места во Сарај гласањето се продоли уште 2 часа и 45 минути, како и во скопската Општина Карпош каде на избирачко место 2652 исто така имало прекин на гласањето 150 минути.

Во Вевчани гласале најмногу избирачи, 81,2% од запишаните, а во Сарај 28,12%.

19.14 ч. Шилегов: Гласањето е празник за демократијата

Кандидатот за градоначалник на Град Скопје Петре Шилегов на СДСМ и коалицијата „Најдоброто за мојата општина” по денешното гласање на избирачкото место во СУГС „Георги Димитров” во Тафталиџе порача дека гласањето е празник за демократијата.

– Излезноста е поголема од првиот круг, а јас сум убеден дека Скопјани со масовното излегување ќе одберат градот да се движи во континуитет, развој и храбри потези што заедно ги влечеме и ќе ги почекаме резултатите до вечерва“, изјави Шилегов.

Петре Шилегов, Локални избори 2021/ Фото: Фејсбук, Петре Шилегов

19.11 ч. Арсовска: Во вториот круг разликата ќе биде уште поголема, луѓето ја поддржаа визијата за модерно Скопје

Верувам дека успеавме да го оствариме своето лично право да го дадеме својот глас за каква сакаме да биде иднината на Скопје, во првиот круг водев со 8.000 гласови, а во вториот ќе биде поголема бројката на оние лица, кои ќе ја поддржат визијата за модерно Скопје, истакна денеска независниот кандидат за градоначалник на град Скопје, Данела Арсовска, откако го оствари своето право на глас во избирачкото место во општина Ѓорче Петров.

Арсовска потенцира дека изминатиот период наместо натпревар за подобри идеи и визии, била присутна црна кампања, која, како што рече, имала за цел да омаловажи.

Данела Арсовска, локални избори 2021/ Фото: Фесјбук, Данела Арсовска

18:59 ч. Непосредно пред затворањето на гласачките места, 2444 на бр. во 44 општини и градот Скопје, излезноста е 42,44%.

Обработени се вкупно 98,715 од вкупниот број запишани граѓани во избирачкиот список, што значи дека гласале 559.519 лица,  се податоците од официјалната страна на ДИК.

Локални избори 2021, втор круг / Фото: Слободен печат – Драган Митрески

18.45 ч. Цивил: Вториот круг е потензичен, но изборниот ден поминува генерално во позитивна атмосфера

Вториот круг од локално е малку потензичен, што е очекувано, но сепак има слободен, фер и демократски изборен натпревар. Изборниот ден во глобала гледано се одвива во позитивна атмосфера, оцени претседателот на здружението Цивил, Џабир Дерала, во извештајот за текот на изборите до 17:00 часот.

Џабир Дерала / фото: Цивил.мк

18.27ч.  Центар, Карпош и Чаир со значително поголема излезност во вториот круг

Во Центар и Карпош до 17 часот гласале по две до три илјади избирачи повеќе отколку во истиот период од гласањето во првиот круг, покажуваат официјалните податоци на Државната изборна комисија.

И во двете општини се гласа и за општински градоначалник.

Во Чаир, до 17 часот на гласање излегле околу четири отсто повеќе гласачи отколку во првиот круг.

Локални избори 2021, втор круг / Фото: Слободен печат – Драган Митрески

www.slobodenpecat.mk

Претходно

ВИДЕО | Наивна детска игра во Русија ќе имаше фатален крај: Девојче (5) тешко повредено, со санка влета под тркала на автобус

Следно

Навивачите на Барселона во еуфорија: Со Чави доаѓа уште една клупска легенда

Latest from Blog

MacedonianEnglishAlbanian